شددت الإعلامية آيات عرابي على أن عودة الرئيس محمد مرسي هي الضمان الوحيد لكسر الانقلاب، مؤكدة أنه لا تنازل مطلقًا عن عودة الرئيس الشرعي محمد مرسي للحكم.

وقالت على فيس بوك: "لا تنازل مطلقًا وفي أي حال من الأحوال عن عودة الرئيس للحكم ليس لأنه أول رئيس منتخب لمصر من آلاف السنين و لكن لأن عودته هي عوده للمسار الديموقراطي اللي لازم الناس تتعلم تتعامل معاه من جاء بالصندوق يرحل بالصندوق دي أولا و ثانيا عشان حق اخواتنا اللي استشهدوا من أول يوم في الانقلاب و لحد النهاردة ودا رأي كل الكيانات الموجود على الساحة عشان مفيش حد يزايد أو يشكك في حد".

وأضافت "وعشان الحاجتين دول لا تفاوض مع من تلوثت ايديهم بدماء أخواتي في رابعة و الحرس و غيرهم كتييييير أوي.. لكن في نفس الوقت ايدينا ممدودة لكل اللي حس انه اتخدع و ان العسكر استخدموهم كارت عشان ينفذوا انقلابهم اللي كان هيحصل هيحصل سواء كان مرسي أو غيره هو اللي علي الكرسي ".

وشددت على أن "عودة الرئيس هي الضمان الوحيد لكسر الانقلاب ووضع عسكر المكرونة في حجمهم الطبيعي وكسر رؤوس الفاسدين".