أكدت عائشة خيرت الشاطر كريمة نائب المرشد العام للإخوان المسلمين أن سلطات الانقلاب قامت بمنع اثنين من أخواتها من السفر لأزواجهن الذين يعملون بالخارج من قبل الانقلاب على الرئيس الشرعي، منتقدًا قيام أبواق الانقلاب الإعلامية بنشر الخبر ولم يذكروا الطريقة المهينة التي تعاملت بها سلطات الانقلاب مع أخواتها أو أسباب سفرهما.
وأكدت في تدوينة لها عبر موقع التواصل الإجتماعي " فيس بوك" أن الانقلاب منعهن رغم أنهن مسافرات بطريقة شرعية وسلمية وجوازات سفرهن بها إقامتهم بالخارج، فضلاً عن أنه لا يوجد حكم أو حظر قانوني يمنعهم من السفر بشهادة ضابط المطار نفسه.
وقالت " قامت السلطات المصرية بمنع اثنين من أخواتي من السفر لأزواجهم بالخارج، و تصدرت جرايدهم الصفرا الخبر بأنهم فجئوا بمحاولتهم للسفر !!!"
وتابعت "طيب مقولتوش ليه أنهم كانوا رايحين لأزواجهم اللي منهم اللي عايش أصلاً من قبل الانقلاب بالخارج، و مراته كانت هنا في أجازه لأنها عايشه معاه بره والطبيعي إنها راجعه لزوجها، واللي منهم اللي هما السبب في خروجه من البلد لمطاردتهم ليه في بلده و مش عارف يعيش فيها بسببهم و حتي لما خرج مش سايبينه و حرمينه من أهله.
وأضافت "مقلتوش ليه أنهم منعوهم رغم باسبوراتهم اللي بتحمل إقامه بالخارج و إن أزواجهم بيشتغلوا هناك و مسافرين بطريقة شرعية وسليمة، و معلهمش أي مخالفه وأن موقفهم القانوني يسمح لهم بالسفر عادي.
واستكملت " مقلتوش ليه أنهم فضلوا بالمطار يسألوا لحد مكتب النائب العام، و قالهم أنهم قانونًا معندهمش منع و لا فيه حكم أو حظر قانوني يمنعهم من السفر بشهادة ظباط المطار نفسهم، بس الانقلابين شايفين إنهم علشان ولاد خيرت الشاطر لازم يتمنعوا و يتحرموا من كل حاجة.
وكشفت أن سلطات الانقلاب قامت باحتجاز أخواتها أكثر من ١٩ ساعه و تم تفتيشهما بطريقة مهينة غير لائقة، قائلة "مش منعوهم يسيبوهم بقي يروحوا، لأ يحتجزوا و بأطفال صغيرين مكفهمش تروعيهم و حرمانهم من حقهم في إنهم يسافروا يعيشوا مع أبوهم لأ سابوهم في مكان مش نظيف و غير لائق نايمين فوق بعض وعالأرض و علي مكاتب الظباط من غير أي رحمة"
و استطردت " مقلتوش ليه أن الفلوس اللي ظبطوها معاهم و صدروها بحد قولهم هي تعبهم و شقاهم بيسرقوها بمنتهي البساطه و يستحلوها و مش غريب علي اللي أستحلوا دم الناس و قتلهم يستحلوا فلوسهم، مقلتوش ليه أنهم كان معاهم المبلغ المالي المسموح بيه قانونًا لأي مسافر يكون بحوزته بس في دولة الغابه و اللا قانون و البلطجة بيسرقوا الفلوس زي ما هما عايزين و زي ما سرقوا زاد و شركاتنا و كل حاجة و أعمار أهالينا في السجون.
وتابعت مقلتوش ليه أن مفيش قانون في العالم يحق لظابط ياخد فلوسك اللي في شنطة إيدك و مصاريفك الشخصية لسفرك طالما مش مخالفه للأئحة المسافرين، مقلتوش ليه إن الجهة المختصة في المطار رفضت تستلم الفلوس لأن قانونًا هما مش عاملين حاجة غلط، بس القرار جه من فوق نفذ التعليمات و أمنعهم و خد فلوسهم و مفيش حاجة اسمها قانونًا مع ولاد خيرت الشاطر و خدوا الفلوس و امنعوهم و هو كده.
واختتمت كلامها قائلة " مقلتوش ليه عن رجال الأعمال الفسدة اللي بتتفتح لهم المطارات و طيارة فلوس كاملة ومعاها تعظيم سلام كمان و مكناش بنسمع صوتكم و لا نشوف كتابتكم"
