دشن نشطاء على مواقع التواصل الاجتماعي هشتاج إلكتروني تحت عنوان “مفيش شغل ” للدعوة لاضراب جزئي عن العمل في 30 اغسطس الجاري احتجاجاً على غياب القصاص والعدل وانتشار الظلم وقرارات الإفقار ، مؤكدين أن فكرة الاضراب مناسبة للضغط على الانقلاب العسكري على المستوى البعيد خاصة واحد من أهم أسلحة الضعفاء في مواجهة الظلم.
وقال النشطاء في بيان يتدواله النشطاء تحت عنوان ” شارك في الإضراب علشان يشوفوك” :على فكرة الإضراب مش غلاسه وخلاص ، لأ ده واحد من أهم أسلحة الضعفاء في مواجهة الظلم ، لما يكون في كام ميت ألف واحد شافطين البلد في كرشهم وسايبينا ناكل في بعض يبقى لازم يشوفونا لازم يحسوا إننا لسه موجودين مش نمل مالوش لازمه هم فعلاً شايفينك نمله وشايفين ولادك نمل صغير ، علشان ما تحاولش ترفع راسك تاني وتخليك ديما جعان وتخلي ولادك يعيشوا في هم ويموتوا نمل “.
وأضافوا في البيان : “لما الغلا والجوع والفقر والمرض وقطع الكهربا والميا بيهد فينا ، وهم مش شايفيين الا نفسهم وقصورهم وشلتهم في القضا والجيش والشرطة ، رغم أننا الأصل ، إحنا اللي بنصحي من الفجر نتوكل بجيوب فاضية علي باب الله ونرجع مهدودين مش قادرين نقف علي رجلينا من الهم والتعب”.
ودعا البيان الجماهير الي الاضراب عن العمل :” لما الكام ميت ألف اللي عندهم المصانع والمزارع والوظايف الكبيره ، عايشيين في بحر من الفلوس والراحراحة ، واحنا مكتوب علينا القرف .. يبقي لازم يسمعونا ويشوفونا ، حاول تخليهم يشوفونا ومش هيشوفونا إلا لما نوجعهم .. الكل لازم يحس انه بني ادم مش نمله ، ويأخد حقه المسروق ، 30 أغسطس ، اضراب عن العمل ، مفيش شغل”.
