كشف الطبيب أحمد ممدوح أحد الأطباء بمستشفى القصر العيني عن رفض محمد صلاح سلطان تلقيه للعلاج بمستشفى القصر العيني القديم بعد نقله من مستشفى السجن في حالة صحية ونفسية سيئة جدًّا، اعتراضًا على نقل والده من السجن ووضعه تحت الحراسة المشددة، فضلا عن تعامل إدارة السجن الانقلابية معه بطريقة سيئة وعزله منذ 10 أيام في عنبر الرعاية الصحية بمفرده.
قال ممدوح عبر "تويتر" على لسان محمد سلطان: إن التعامل معاه بقى سيئ جدًّا، وأنه بقاله 10 أيام محجوز في عنبر الرعاية لوحده، وأخدوا منه الراديو والكتب اللي كان بيقراها، ومنبهين على عساكر العنبر يوطوا صوت الراديو علشان محمد يبقى في معزل عن العالم الخارجي، مضيفا أنهم مقدروش عليه بالسجن ومقدروش يخلوه يفك الإضراب فبيحاربوه نفسيًّا".
وتابع سلطان: "أنا ووالدتي وأخويا سافروا علشان والدتي بتتعالج من السرطان، وأخويا بيتعالج من مرض مناعي، ووالدي مسجون انتو عاوزين مني ايه.. مش عاوزين تخرجوني خلاص سيبوني أموت".
ذكر ممدوح أن محمد بلغه رسالة لكل الناس بقوله: "أنا مش هاكل لقمة طول ما أنا في السجن ولو مطلعتش يبقى هطلع اشتكي للي خلقني".
وختم ممدوح: طبعًا لما ملقوش أي أمل مع محمد رجعوه مستشفى السجن تاني.. محمد كمل 324 يومًا إضرابًا عن الطعام.
