اكدت حركة ضنك إنها تتعرض لمخطط أمني إعلامي من خلال دخول لجان إلكترونية على الصفحة وكتابة العبارات ذاتها والتي تهدف الي تشويه صورتنا ، كما تهددتنا حال نزولنا المظاهرات على التعامل معنا بعنف.

وقالت الحركة عبر صفحتها علي فيس بوك : وجدنا برامج التوك شو (وائل الإبراشي - مصطفى شردي - تامر أمين - جمال عنايت ) يتناولون الحركة بهجوم شديدة على الحركة بنفس العبارات التى تستخدمها اللجان الإلكترونية على الصفحة واللى زاد على الموضوع إن الأستاذ وائل الإبراشي بيتهمنا إننا كتائب حلوان جديدة.

واضافت : أن كل ما حدث يوحي أن الحكومة خايفة علشان عارفة أنها طاحنة الغلابة من كهرباء لمياه لأكل لمرتبات، وده بيخلينا عندنا إصرار أكتر على أننا نكمل وبيدينا حافز كبير أننا نستمر على مطالبنا، مؤكدة انها مش حركة بتتكلم باسم الغلابة، ضنك همة الغلابة بنفسهم بيتكلموا وبيصرخوا من الجوع والفقر والمرض.

وقالت  النهاردة أنتم أعلنتم عن تاريخ انتفاضة الغلابة في كل بيت وعرفتم الناس بحركتنا اللى همة جزء منها ووصلتم صوت ضنك لكل إللى مسمعش عنها. "